Një vit pas liberalizimit të tregut të energjisë elektrike në Kosovë, KESCO Premium ka lansuar aplikacionin eKescoPremium, një platformë digjitale e dedikuar ekskluzivisht për bizneset në tregun e hapur. Ky aplikacion u mundëson konsumatorëve të kontrollojnë bilancin e llogarisë, kontratat aktive, njësi matëse dhe historikun e faturave, si dhe të monitorojnë konsumin aktual të energjisë para faturimit. Përmes këtij mjeti, bizneset kanë akses të shpejtë dhe të sigurt në informacionet kryesore, duke përmirësuar menaxhimin dhe transparencën e furnizimit me energji. Rudina Heroi Puka, Zëvendëskryeshefe Ekzekutive e KESCO, thekson se kjo nismë është një hap i rëndësishëm drejt digjitalizimit dhe përmirësimit të vazhdueshëm të përvojës së konsumatorëve.