Komuna e Drenasit ka nisur aplikimet për shfrytëzimin e përkohshëm të hapësirave publike në sheshin para lokaleve të bizneseve. Kjo iniciativë erdhi pas një marrëveshjeje mes komunës dhe operatorit ekonomik për rregullimin e sheshit, si dhe pas kërkesave nga subjektet afariste. Aplikimet bëhen në përputhje me rregulloret komunale dhe ligjet përkatëse, me qëllim që përdorimi i hapësirave të jetë i ligjshëm dhe i rregullt. Drejtoria e Urbanizmit dhe Mbrojtjes së Mjedisit fton të gjitha bizneset që aktualisht ose synojnë të shfrytëzojnë këto hapësira të paraqesin kërkesë për leje.