Komuna e Prishtinës ka nxjerrë në konsultim publik një draft-rregullore që parashikon vendosjen e tarifave të reja komunale për një gamë të gjerë biznesesh në kryeqytet. Tarifat do të variojnë nga 100 deri në 3,000 euro në vit, me aktivitetet e spitaleve private dhe mjekësisë së specializuar që do të paguajnë tarifat më të larta. Drafti përfshin kategori të ndryshme, duke filluar nga ndërtimtaria, tregtia, arsimi privat, shëndetësia private, deri te sporti dhe shërbimet profesionale. Procesi i konsultimit publik do të zgjasë deri më 24 qershor, ku palët e interesuara mund të paraqesin vërejtjet e tyre para finalizimit të rregullores.