Drejtori i Asociacionit të Komunave të Kosovës, Sazan Ibrahimi, ka deklaruar se komunat po përballen me vështirësi të mëdha financiare për shkak të kontratave kolektive, të cilat po i sakatojnë ato edhe gjatë këtij viti. Ai theksoi se vetëm në tre muajt e parë të vitit janë marrë dhjetëra milionë euro nga buxhetet komunale, duke i vënë në një situatë jashtëzakonisht të vështirë. Paditë e komunave, të ngritura që nga viti 2021, mbeten të bllokuara në Gjykatën Komerciale, ndërsa heshtja institucionale nga Qeveria dhe gjykatat po shkakton pasoja serioze për financat lokale dhe qytetarët.