Kompania Rajonale e Mbeturinave “Pastrimi” ka reaguar ashpër ndaj Komunës së Podujevës pas shpalljes së gjendjes emergjente për menaxhimin e mbeturinave, duke theksuar se problemet financiare të njësisë operative janë të trashëguara dhe të lidhura me tarifa të pandryshuara që nga viti 2008. “Pastrimi” akuzon Komunën për mosplotësimin e obligimeve financiare dhe për marrjen e konsumatorëve nga njësia operative, duke rrezikuar kështu ekzistencën e ndërmarrjes dhe vendet e punës të dhjetëra punëtorëve.