Zëvendëskryeministri i Parë dhe Ministri i Punëve të Jashtme dhe Diasporës, Glauk Konjufca, priti në takim të Ngarkuarin me Punë të Ambasadës së Japonisë në Kosovë, Hiroyasu Tanigaki. Gjatë takimit, ata diskutuan për mundësitë e thellimit të bashkëpunimit ekonomik dhe rritjen e shkëmbimeve tregtare ndërmjet Kosovës dhe Japonisë. U trajtua gjithashtu pjesëmarrja e Kosovës në EXPO në Japoni dhe u përmend fakti që Universiteti i Prishtinës ofron kurse të gjuhës japoneze, duke krijuar ura të reja bashkëpunimi kulturor. Në takim u theksua përputhja e qëndrimeve gjeopolitike dhe përkushtimi i përbashkët për ruajtjen e paqes dhe stabilitetit ndërkombëtar, ndërsa Konjufca i përcolli urimet për formimin e qeverisë së re në Japoni.