Inspektorati Qendror i Mbikëqyrjes së Tregut, në bashkëpunim me Administratën Tatimore dhe Autoritetin e Konkurrencës, ka nisur kontrolle të vazhdueshme në terren për të verifikuar zbatimin e vendimit të Ministrisë së Industrisë, Ndërmarrësisë dhe Tregtisë për kufizimin e çmimeve të derivateve të naftës. Sipas vendimit, çmimi maksimal për litër naftë është 1.54 euro, ndërsa për benzinë 1.36 euro. Inspektorja Shkëndije Bajrami-Azizi theksoi se monitorimi i tregut bëhet në baza ditore dhe vendimet për shkelje merren vetëm pas analizave të Administratës Tatimore.