Ministria e Industrisë, Ndërmarrësisë, Tregtisë dhe Inovacionit ka nisur nga sot një valë kontrollesh intensive në të gjitha hallkat e zinxhirit të tregtimit të qumështit dhe produkteve të tij. Inspektorati Qendror i Mbikëqyrjes së Tregut, në bashkëpunim me Agjencinë e Ushqimit dhe Veterinarisë, do të verifikojë prodhuesit, importuesit, distributorët, depot dhe pikat e shitjes me pakicë për përputhshmërinë e përmbajtjes së produkteve me atë të deklaruar në etiketë. Fokus do të jetë në përdorimin e qumështit pluhur dhe vajit të palmës, veçanërisht nëse këto përbërës nuk janë deklaruar saktë ose përdoren në sasi që tejkalojnë ato të shënuara. Produkte që nuk përputhen me standardet do të tërhiqen nga tregu, ndërsa operatorët ekonomikë do të përballen me masa administrative dhe gjoba sipas ligjit.