Drejtoria e të Ardhurave Publike (DAP) ka intensifikuar kontrollet gjatë sezonit turistik, duke u fokusuar kryesisht te të ardhurat që individët realizojnë nga dhënia me qira afatshkurtër e apartamenteve, banesave dhe kapaciteteve të tjera akomoduese. Qëllimi i këtyre aktiviteteve është nxitja e pajtueshmërisë vullnetare tatimore dhe sigurimi i kushteve të barabarta për të gjithë operatorët në sektorin e turizmit. DAP po zhvillon gjithashtu fushata informuese dhe ofron udhëzime praktike për deklarimin e të ardhurave, duke komunikuar drejtpërdrejt me tatimpaguesit dhe duke shkëmbyer informacion me institucione të tjera shtetërore. Ky proces përfshin analiza të rrezikut dhe kontrolle të targetuara, me synimin për të parandaluar konkurrencën jolojale dhe për të siguruar zbatimin e drejtë të ligjit tatimor.