Qeveria e Kosovës dhe Bashkimi Evropian zhvilluan një takim të nivelit të lartë për të diskutuar progresin dhe sfidat në zbatimin e projekteve të financuara nga Korniza Investuese për Ballkanin Perëndimor (WBIF). Ministrat e Ekonomisë, Infrastrukturës dhe Mjedisit prezantuan ecurinë e projekteve në sektorët përkatës, duke theksuar rëndësinë e koordinimit institucional dhe pronësisë së projekteve për të shmangur vonesat. Delegacioni i BE-së, i udhëhequr nga përfaqësues të lartë të DG ENEST dhe Zyrës së BE-së në Kosovë, theksoi nevojën për përshpejtim të zbatimit dhe bashkëpunim të ngushtë. Zyra e Kryenegociatorit do të vazhdojë të luajë një rol kyç në koordinimin ndërinstitucional për të adresuar pengesat dhe për të siguruar shfrytëzimin efektiv të fondeve evropiane në mbështetje të zhvillimit të Kosovës.