Drejtuesit e autoriteteve të ushqimit të Kosovës dhe Shqipërisë kanë arritur një marrëveshje për lehtësimin e tregtisë së produkteve ushqimore, duke harmonizuar procedurat dhe certifikatat sipas standardeve të Bashkimit Evropian. Në një takim mes Bekim Hoxhës, drejtor ekzekutiv i Agjencisë së Ushqimit dhe Veterinarisë së Kosovës, dhe Blerina Gjylametit, drejtoreshë e Autoritetit Kombëtar të Ushqimit të Shqipërisë, u diskutua reduktimi i barrierave administrative dhe koordinimi i njoftimeve për sigurinë ushqimore. Palët ranë dakord për bashkëpunim në ngritjen e kapaciteteve laboratorike dhe njohjen reciproke të rezultateve të analizave, si dhe për digjitalizimin e shërbimeve, proces që në Kosovë ka arritur 90%. Shqipëria do të shërbejë si vend referencë për Kosovën në fazat e mëvonshme të anëtarësimit në BE, ndërsa Kosova do të ndihmojë Shqipërinë në përmbushjen e kritereve evropiane në fushën e sigurisë ushqimore.