Kosova ka dorëzuar kërkesën për pranimin e pagesës së parafinancimit nga Plani i Rritjes, duke bërë një hap të rëndësishëm drejt përfitimit të fondeve nga kjo paketë financiare rajonale për periudhën 2024-2027. Komisioni Evropian pret njoftimin formal nga autoritetet e Prishtinës për ratifikimin e marrëveshjeve në Kuvend, që është kusht për procedimin e pagesës së parë. Për të shfrytëzuar të gjithë potencialin e Plani të Rritjes, Kosova duhet të përshpejtojë procesin reformues, pasi afatet për përmbushjen e reformave janë të kufizuara dhe zgjaten vetëm me periudhën e quajtur “periudhë gri”. Nëse Kosova përmbush të gjitha kushtet, ajo pritet të marrë mbi 880 milionë euro, duke u bërë vendi që përfiton më së shumti nga kjo paketë për kokë banori.