Me 89 vota pro dhe asnjë kundër, Kuvendi i Kosovës miratoi marrëveshjen për tregti të lirë me shtetet e EFTA-s, një hap ky i rëndësishëm për integrimin ekonomik të vendit. Ministrja Mimoza Kusari-Lila theksoi se kjo marrëveshje, e cila rrjedh nga deklarata e përbashkët e vitit 2018 dhe u nënshkrua zyrtarisht në janar 2024 në Davos, do të eliminojë tarifat doganore për shumicën e produkteve industriale dhe do të përmirësojë qasjen në treg për disa produkte bujqësore. Ajo përmendi gjithashtu rëndësinë e rregullave të qarta për origjinën e mallrave, të drejtave të pronësisë intelektuale dhe rritjen e sigurisë juridike për operatorët ekonomikë. Një komponentë kyçe e marrëveshjes është përfshirja e tregtisë në shërbime, duke përfshirë sektorë si shërbimet profesionale, financiare, transporti, teknologjia e informacionit dhe turizmi.