Më 1 tetor 2026, marrëveshja e Tregtisë së Lirë ndërmjet Kosovës dhe vendeve të EFTA-s – Zvicrës, Norvegjisë, Islandës dhe Lihtenshtajnit – do të hyjë në fuqi, duke hapur mundësi të reja për bizneset e të dyja palëve. Këshilli Federal i Zvicrës ka miratuar ndryshimet e nevojshme për zbatimin e kësaj marrëveshjeje, e cila synon të forcojë lidhjet ekonomike dhe të krijojë kushte më të favorshme për shkëmbimet tregtare. Ambasada e Zvicrës në Kosovë thekson rëndësinë e këtij hapit si një moment kyç për bashkëpunimin ekonomik dhe zhvillimin e tregtisë ndërkombëtare. Pritet që kjo marrëveshje të ndikojë në zgjerimin e bashkëpunimit ekonomik dhe të lehtësojë rrugën për bizneset kosovare drejt tregjeve të vendeve të EFTA-s.