Zëvendësministri i Industrisë, Ndërmarrësisë dhe Tregtisë, Jeton Mehmeti, ka njoftuar se Kosova po hyn në një fazë të re zhvillimi ekonomik, ku theksi do të vihet në investimet në prodhim, inovacion, industrinë përpunuese dhe teknologjinë. Kjo fazë e re synon të krijojë një mjedis më konkurrues dhe tërheqës për investitorët vendorë dhe ndërkombëtarë, përmes reformave ekonomike, Ligjit për Investime të Qëndrueshme dhe ndërtimit të 14 Parqeve Industriale të Gjelbra. Prioritet mbetet rritja e eksporteve dhe fuqizimi i sektorëve strategjikë të ekonomisë së vendit. Këto zhvillime u prezantuan gjatë Forumit të 3-të për Investime të Qëndrueshme, organizuar nga Këshilli Evropian i Investitorëve në Kosovë.