Kosova duhet të ndërmarrë 111 reforma të detajuara për të përfituar plotësisht nga Plani i Rritjes i Bashkimit Evropian, që kap vlerën mbi 882 milionë euro. Afatet kryesore për disa prej këtyre reformave janë deri në fund të qershorit për 13 hapa me vlerë rreth 91 milionë euro dhe deri në dhjetor për 27 hapa të tjerë që përfaqësojnë mbi 165 milionë euro. Mjetet financiare janë të kufizuara në kohë dhe duhet të përmbushen deri në vitin 2027, ndërsa pagesat do të bëhen në mënyrë progresive, duke u lidhur ngushtë me zbatimin e reformave. Nëse Kosova nuk arrin të përmbushë këto reforma brenda afateve, fondet përkatëse do të humbasin dhe Komisioni Evropian mund t’i rialokojë ato tek vende të tjera të rajonit më të avancuara në procesin reformues.