Të premten, ministrja në detyrë e Industrisë, Ndërmarrësisë, Tregtisë dhe Inovacionit, Mimoza Kusari-Lila, mori pjesë në një tryezë të organizuar nga KUSA në bashkëpunim me Ambasadën e SHBA-së në Kosovë, ku u diskutuan mundësitë dhe nevojat për tërheqjen e investimeve në vend. Gjatë takimit u theksua rëndësia e krijimit të një klime të favorshme investuese përmes procedurave të qarta, transparencës dhe mbështetjes institucionale të koordinuar. Kusari-Lila vuri në pah potencialin e Kosovës, duke përmendur popullsinë e re, diasporën aktive dhe sektorët me mundësi zhvillimi si prodhimi, energjia, bujqësia, turizmi dhe inovacioni. Në fund, ajo falënderoi KUSA-n dhe Ambasadën Amerikane për kontributin e tyre me ide dhe rekomandime konkrete për avancimin ekonomik të vendit.