Në dy muajt e parë të vitit 2026, turistët nga Kosova kanë qenë grupi më i madh i vizitorëve në Shqipëri, duke përbërë 41.4% të totalit të hyrjeve dhe duke shënuar një rritje prej 2.5% krahasuar me të njëjtën periudhë të vitit të kaluar. Në vendin e dytë renditen italianët me 13.2% të hyrjeve dhe një rritje prej 11.7%, ndërsa edhe Greqia ka shënuar një rritje modeste prej 2.5%. Ndërkohë, disa tregje europiane që kishin shënuar rritje të forta në 2025, si Gjermania dhe Franca, kanë regjistruar rënie të hyrjeve për këtë periudhë, respektivisht 5.5% dhe 13.9%. Turoperatorët shprehen optimistë për rikthimin e trendit rritës në pranverë, duke lidhur përmirësimin e pritshëm me kushtet më të mira të motit dhe fillimin e sezonit turistik veror, megjithëse disa sfida mbeten, si data e hapjes së aeroportit të Vlorës.