Në Kosovë, pavarësisht normave të larta të interesit, gjatë vitit 2025 janë lëshuar kredi të reja në vlerë prej 2.684 milionë euro, sipas Shoqatës së Bankave të Kosovës. Mesatarja e normës së interesit për kredi familjare ka qenë 6.37%, ndërsa për bizneset 7.06%, duke rënduar buxhetet familjare dhe planet e investimeve të bizneseve. Përfaqësuesit e bizneseve dhe ekspertët ekonomikë theksojnë se normat e larta dhe kriteret e ashpra për marrjen e kredive kanë shtuar fenomenin e fajdesë dhe po rrisin varfërinë në vend. Sektori bankar pritet të vazhdojë me rritjen e kërkesës për kredi edhe në vitin 2026, ndërsa mbi 57% e kredive të lëshuara janë për bizneset dhe rreth 42% për familjet.