Sekretari i Përgjithshëm i Aleancës, Avni Arifi, ka kritikuar ashpër qeverinë në detyrë për marrëveshjen e shitjes së thëngjillit të Kosovës te Maqedonia e Veriut, duke e cilësuar këtë si një model ekonomik kolonial me propagandë populiste. Ai shpjegon se Kosova shet thëngjillin si lëndë të parë për 73 milionë euro, ndërsa Maqedonia prodhon energji elektrike me këtë thëngjill dhe e shet më shtrenjtë, duke fituar shumëfish më tepër. Në të njëjtën kohë, Kosova blen energjinë e prodhuar nga Maqedonia, duke paguar më shumë për një produkt që në fakt është krijuar nga pasuria e saj natyrore. Arifi thekson se kjo qasje nuk është zhvillimore, por një katastrofë sociale që paraqitet si ndihmë sociale, ndërsa në të vërtetë dëmton ekonominë dhe interesat e qytetarëve. Ai përfundon duke paralajmëruar se kjo politikë mund të ndikojë negativisht në besimin dhe votat e shqiptarëve.