Kosova po përballet me një krizë të theksuar të çmimeve të derivateve si pasojë e luftës në Lindjen e Mesme ndërmjet SHBA-së, Izraelit dhe Iranit, që ka shkaktuar rritje të ndjeshme të çmimeve të naftës dhe benzinës. Në këtë situatë, gjiganti metalurgjik “Trepça” ka nisur procedurat për blerjen e një sasie të naftës, duke ndarë një fond prej 400 mijë eurosh për furnizimin e nevojave të ndërmarrjes. Nafta do të shpërndahet në disa pjesë të rëndësishme të Trepçës, përfshirë flotacionin në Leposaviq, zonën industriale në Zveçan, si dhe minierat e Crnacit dhe Belo Brdo. Procedura e tenderit është e hapur dhe do të përfundojë më 9 prill, ku do të zgjidhet oferta me çmimin më të ulët.