Enti Shtetëror i Revizionit ka nxjerrë në pah probleme të thella në NP “Higjiena Komunale – Shkup” për vitin 2024, duke konstatuar parregullsi financiare dhe administrative serioze. Ndërmarrja ka borxhe prej afro 12 milionë eurosh dhe kërkesa me arkëtim të pasigurt mbi 2 milionë euro, ndërsa pasuria e paevidecuar arrin vlerën prej rreth 472 mijë eurosh. Gjendja e automjeteve komunale është alarmante, me rreth 60% të parkut prej 189 automjetesh jashtë funksionit, duke rrezikuar seriozisht cilësinë e shërbimeve publike. Revizorët rekomandojnë masa urgjente për stabilizimin financiar dhe modernizimin e ndërmarrjes, për të parandaluar përkeqësimin e situatës.