KRU "Hidromorava" në Gjilan ka njoftuar se nuk do të tolerojë keqpërdorimin dhe vjedhjen e ujit, duke paralajmëruar masa ligjore ndaj shkelësve. Rritja e temperaturave dhe kërkesat e larta për ujë kanë shkaktuar vështirësi në furnizimin me ujë, sidomos në lagjen Porodin dhe zona të tjera, por falë punës së ekipeve teknike, situata është stabilizuar. Megjithatë, kontrollet në terren kanë zbuluar raste të dyshuara të keqpërdorimit dhe vjedhjes së ujit, ndaj të cilave do të ndërmerren masa, përfshirë kallëzimet penale. Kompania i bën thirrje qytetarëve të bashkëpunojnë dhe të raportojnë çdo rast të tillë për të siguruar furnizim të drejtë dhe të pandërprerë për të gjithë.