Kompania Rajonale e Ujësjellësit “Mitrovica” ka intensifikuar inspektimet në terren për të identifikuar keqpërdorimet dhe lidhjet e parregullta të ujit. Gjatë kontrolleve janë evidentuar raste furnizimi pa matje dhe lidhje që nuk janë të regjistruara në sistemin zyrtar. KRU “Mitrovica” ka paralajmëruar se nuk do të tolerojë ndërhyrjet në sistem dhe do të ndërmarrë masa ligjore ndaj shkelësve. Konsumatorët u bëhen thirrje të sigurohen që instalimet e tyre janë të rregullta, ndërsa ekipet e kontrollit do të vazhdojnë punën për mbrojtjen e furnizimit me ujë.