Kompania Rajonale e Ujësjellësit “Prishtina” ka paralajmëruar konsumatorët që kanë borxhe të papaguara për shërbimet e ujësjellësit dhe kanalizimit që t’i shlyejnë ato sa më shpejt. Në njoftimin zyrtar theksohet se moskryerja e obligimeve financiare do të sjellë masa ndëshkuese, përfshirë ndërprerjen e furnizimit me ujë dhe nisjen e procedurave përmbarimore. Shkyçja nga rrjeti do të aplikohet për ata konsumatorë që kanë dy ose më shumë fatura të papaguara. KRU bën thirrje për përgjegjshmëri financiare për të shmangur këto masa dhe për të siguruar vazhdimësinë e shërbimit.