Kompania Rajonale e Ujësjellësit “Prishtina” ka dhënë një afat prej 10 ditësh për të gjithë konsumatorët që të paraqiten dhe të nënshkruajnë kontratat e shërbimeve me këtë kompani. Nënshkrimi i kontratës është i domosdoshëm për rregullimin e marrëdhënieve kontraktuale dhe për sigurimin e ofrimit të pandërprerë të shërbimeve të ujit. Kompania paralajmëron se mosveprimi brenda këtij afati do të konsiderohet si refuzim dhe mund të sjellë ndërprerjen e shërbimeve apo masa të tjera ligjore. Për më shumë informacione, qytetarët mund të kontaktojnë zyrat e KRU “Prishtina”.