Kompania Rajonale e Ujësjellësit “Prishtina” njofton se borxhi total për ujë ka arritur mbi 45 milionë euro, duke theksuar nevojën për shlyerjen e menjëhershme të detyrimeve nga konsumatorët borxhlinj ose lidhjen e marrëveshjeve për pagesë me këste. Përveç mospagesës së faturave, problem serioz përbëjnë edhe kyçjet ilegale në rrjet, të cilat dëmtojnë sistemin dhe shkaktojnë mungesë uji për konsumatorët që paguajnë rregullisht. KRU “Prishtina” paralajmëron ndërprerjen e furnizimit me ujë dhe marrjen e masave ligjore ndaj borxhlinjve dhe shkelësve, duke theksuar se nuk do të ketë tolerancë ndaj këtyre rasteve. Gjithashtu, kompania do të identifikojë dhe ndëshkojë të gjitha kyçjet ilegale në rrjetin e ujësjellësit.