Ministria e Infrastrukturës dhe Transportit ka njoftuar se të shtunën, më 22 gusht, do të zbatohet një kufizim i përkohshëm për automjetet e transportit me mbi 20 tonë në autoudhë. Ky kufizim do të jetë në fuqi nga ora 11:00 deri në 17:30, për shkak të temperaturave të larta që pritet të arrijnë ose kalojnë 32 gradë Celsius. Në rrugët nacionale, rajonale dhe lidhëse, qarkullimi i kamionëve mbi 20 tonë do të lejohet pa kufizime. Nga masa përjashtohen automjetet e organeve të rendit, shërbimeve emergjente dhe institucioneve shëndetësore, ndërsa ministria u bën thirrje operatorëve dhe ngasësve të respektojnë oraret dhe kufizimet e vendosura.