Ministria e Infrastrukturës dhe Transportit ka njoftuar se sot do të ketë kufizime në qarkullimin e automjeteve të transportit të mallrave me masë totale mbi 20 tonë në autoudhë. Kufizimi do të jetë në fuqi nga ora 11:00 deri në 17:30, për shkak të temperaturave të larta që pritet të arrijnë ose kalojnë 32°C. Në rrugët nacionale, rajonale dhe lidhëse qarkullimi do të lejohet pa kufizime, ndërsa përjashtohen nga ky kufizim automjetet e organeve të rendit, shërbimeve emergjente dhe institucioneve shëndetësore. Operatorët dhe ngasësit janë të lutur të respektojnë orarin e kufizimit dhe të planifikojnë qarkullimin në përputhje me masat e marra.