Kompania për Distribuimin e Energjisë Elektrike në Kosovë (KEDS) ka paralajmëruar ndërprerje të përkohshme të energjisë elektrike më 22 qershor 2026 në disa komuna të vendit, përfshirë Prishtinën, Fushë Kosovën, Pejën, Prizrenin, Ferizajn dhe Gjakovën. Në rajonin e Prishtinës, fshatrat Koliq, Ballaban dhe Nishevc do të mbeten pa energji nga ora 10:00 deri në 15:30, ndërsa në disa zona të tjera ndërprerjet do të zgjasin deri në 18:00. Në Fushë Kosovë janë parashikuar ndërprerje të shkurtra në dy termine gjatë ditës, ndërsa në qytet disa pjesë do të mbeten pa rrymë për një periudhë më të gjatë për shkak të punimeve në rrjet dhe energjizimit të kabllove të reja. KEDS thekson se punimet janë pjesë e mirëmbajtjes preventive dhe projekteve investive për përmirësimin e rrjetit energjetik, duke kërkuar nga konsumatorët që të planifikojnë aktivitetet e tyre në përputhje me oraret e ndërprerjeve.