Kompania për Distribuimin e Energjisë Elektrike në Kosovë (KEDS) ka njoftuar për punime të planifikuara në rrjetin energjetik që do të realizohen të martën, me qëllim rritjen e sigurisë dhe stabilitetit të sistemit. Për shkak të këtyre ndërhyrjeve, në disa zona të Kosovës do të ketë ndërprerje të përkohshme të furnizimit me energji elektrike, duke përfshirë rajonin e Prishtinës, Drenasit, Pejës, Prizrenit, Ferizajt, Mitrovicës dhe Gjakovës. Ndërprerjet do të zgjasin në intervale të ndryshme kohore dhe lidhen me mirëmbajtje preventive, instalim transformatorësh, eliminim defektesh dhe pastrim të trasesë së rrjetit. KEDS ka kërkuar mirëkuptim nga konsumatorët, duke theksuar se këto ndërhyrje janë të nevojshme për përmirësimin e cilësisë dhe sigurisë së furnizimit me energji elektrike.