Kryetari i Sindikatës së Pavarur të Sektorit Privat të Kosovës, Jusuf Azemi, ka bërë me dije se shpërndarja e 100 eurove të premtuara nga qeveria në detyrë për punëtorët e sektorit privat ka pësuar vonesa dhe ka krijuar pasiguri te përfituesit. Ai ka theksuar se procesi kishte ngecur dhe sindikata ka intervenuar publikisht për të kërkuar nga kryeministri dhe ministri i Financave që të përshpejtojnë realizimin e kësaj mase. Megjithëse shuma është e vogël, punëtorët kanë të drejtë të dinë kur do të marrin pagesën e premtuar. Bazuar në informacione jozyrtare, Azemi ka bërë të ditur se shpërndarja e mjeteve pritet të nisë shumë shpejt, nga nesër ose më së largu të hënën.