Furnizimi me ditarë dhe dokumentacion shkollor është në fazën përfundimtare dhe pritet të nisë gjatë fundjavës, ndërsa shpërndarja në shkolla do të bëhet në fillim të javës së ardhshme. Operatorët ekonomikë janë ende në pritje të kërkesave nga disa drejtoritë komunale për të planifikuar sasinë e nevojshme për furnizim, duke shkaktuar vonesa në proces. Ministria e Arsimit ka përmbushur detyrimet procedurale dhe ka përzgjedhur një operator të ri me çmime më të ulëta, duke siguruar kështu një ulje të shpenzimeve për dokumentacionin shkollor me mbi gjysmë milioni euro në tri vitet e ardhshme. Megjithatë, vonesat operative të operatorit kërkojnë angazhim maksimal për të mos ndikuar në nisjen e vitit shkollor.