Ministrja në detyrë e Ekonomisë, Artane Rizvanolli, ka sqaruar se reduktimet e energjisë elektrike në Kosovë nuk janë përgjegjësi direkte e Qeverisë, pasi ajo dhe Ministria e Ekonomisë nuk kanë kompetenca në mbikëqyrjen e operatorëve energjetikë. Ajo theksoi se institucionet përkatëse, si Zyra e Rregullatorit për Energji dhe operatorët, janë përgjegjës për informimin e qytetarëve lidhur me ndërprerjet dhe arsyet e tyre. Në lidhje me situatën specifike në Ferizaj, ministrja njoftoi se një prishje e madhe në një nënstacion kryesor ka shkaktuar probleme që nga rreth tre muaj më parë, por sipas informatave nga KEDS, pritet që situata të jetë e sanuar deri më 20 maj. Për çështjet në komunat e tjera, qytetarët duhet të drejtohen tek organet dhe operatorët kompetentë për informacion dhe zgjidhje.