Rritja e çmimit të naftës në Kosovë ka ndikuar ndjeshëm në xhepin e qytetarëve dhe në bizneset e sektorit, duke rritur shpenzimet e tyre. Presidenti i Komunitetit të Bizneseve Kosovaro-Gjermano-Zvicerane, Shkëlzen Jusaj, deklaroi në emisionin DPT te Fidani se nëse hiqet akciza, çmimi i naftës mund të ulet deri në 1.45 euro për litër. Ai gjithashtu theksoi se kufizimi i profitit dhe pamundësia për të pasur një fitim prej 12 centë kanë ulur fitimet e bizneseve të naftës dhe kanë sjellë rënie të konsumit. Aktualisht, çmimi i naftës në Kosovë ka arritur deri në 1.80 euro për litër, duke shkaktuar shqetësime për ndikimin në ekonominë e përgjithshme.