Në Librazhd do të ndërtohet një lagje e re me 40 banesa sociale, dedikuar familjeve në nevojë dhe qytetarëve të pastrehë, duke u ofruar atyre një mundësi për një jetë më të sigurt dhe dinjitoze. Projekti përfshin gjithashtu krijimin e hapësirave publike të gjelbëruara, që synojnë përmirësimin e cilësisë së jetës dhe krijimin e një mjedisi të përshtatshëm për komunitetin lokal. Zëvendëskryeministrja Albana Koçiu bëri të ditur se investimi realizohet në bashkëpunim me partnerët nga Katari, duke e konsideruar këtë iniciativë si një model të ri zhvillimi social dhe solidariteti. Ajo theksoi se do të vazhdojnë punën me partneritete të forta dhe vizionin për një Shqipëri më gjithëpërfshirëse dhe solidaritet deri në vitin 2030, ku askush të mos mbetet pas.