Kompania AL TRADE ka nisur zyrtarisht projektin e ri Linda 25 në Fushë Kosovë, duke vendosur gurthemelin e objektit që synon të ofrojë hapësira moderne për familjet dhe investitorët. Ky projekt pasqyron përvojën 27-vjeçare të kompanisë në sektorin e ndërtimit dhe vazhdimësinë e angazhimit të saj për të krijuar ambiente që qëndrojnë kohës. Artan Ramaj, menaxher i Burimeve Njerëzore dhe Marketingut në AL TRADE, theksoi rëndësinë e besueshmërisë dhe seriozitetit që kanë shoqëruar kompaninë gjatë viteve dhe falënderoi partnerët dhe klientët për mbështetjen e vazhdueshme. Me këtë investim të ri, AL TRADE zgjeron portofolin e saj dhe ofron mundësi të reja banimi dhe investimi në një zonë me zhvillim të qëndrueshëm.