Kryetari i Komunës së Skenderajt, Sami Lushtaku, ka ndarë pajisje bujqësore për 31 gra fermere nga kjo komunë, në kuadër të një projekti të realizuar në bashkëpunim me FAO-n dhe UN Women. Ky projekt synon fuqizimin ekonomik të grave dhe mbështetjen e tyre në zhvillimin e bujqësisë dhe ekonomisë familjare. Lushtaku theksoi rëndësinë e grave si shtyllë të zhvillimit shoqëror dhe premtoi vazhdimin e krijimit të programeve për fuqizimin e tyre në fusha të ndryshme. Ai nënvizoi përkushtimin për të mbështetur gratë që të jenë pjesë aktive e zhvillimit ekonomik dhe shoqëror të komunës së Skenderajt.