Maqedonia e Veriut dhe Turqia kanë rifilluar dialogun në nivel të lartë për transportin rrugor pas më shumë se 12 vitesh, duke nënshkruar një protokoll të ri që rrit kuotat e lejeve për transportin ndërkombëtar të mallrave. Ky bashkëpunim synon të lehtësojë aktivitetin e transportuesve dhe të intensifikojë shkëmbimet tregtare mes dy vendeve. Takimi u zhvillua në Shkup mes zëvendësministrave të Transportit nga të dy vendet, duke shënuar një hap të rëndësishëm në forcimin e marrëdhënieve ekonomike dhe institucionale. Për VLEN, partneritetet strategjike janë më shumë se diplomaci; ato përfaqësojnë një mjet konkret për zhvillim ekonomik dhe përmirësim të jetës së qytetarëve.