Ministri i Ekonomisë dhe Punës, Besar Durmishi, theksoi në forumin ekonomik në Stamboll rëndësinë e thellimit të bashkëpunimit ndërmjet Maqedonisë së Veriut dhe Turqisë. Ai njoftoi se marrëveshja e re për zgjerimin e bashkëpunimit bilateral hap një kapitull të ri, duke krijuar mundësi konkrete për investime dhe zhvillim ekonomik. Durmishi theksoi se synimi kryesor është ndërtimi i një marrëdhënie më të balancuar tregtare dhe rritja e eksportit maqedonas. Në fokus do të jenë gjithashtu krijimi i vendeve të reja të punës dhe sigurimi i një zhvillimi të qëndrueshëm ekonomik për qytetarët.