Gjatë Samitit të Biznesit të Nivelit të Lartë SHBA-Irak në Dhomën e Tregtisë në Uashington, D.C., u nënshkrua një marrëveshje me vlerë disa qindra milionë dollarë për rindërtimin e një pjese të qytetit historik të Mosulit. Marrëveshja u firmos nga përfaqësuesi i JV Mabetex Veritas nga Michigan, në prani të Kryeministrit të Irakut Ali Al-Zaidi, sekretarit amerikan të Energjisë Chris Wright dhe Guvernatorit të Nineveh, Abdul Qader Al-Dakhil. Projekti përfshin rindërtimin e infrastrukturës urbane, zonave të banimit, objekteve gastronomike dhe hapësirave mjedisore, duke synuar rivendosjen e komuniteteve dhe krijimin e vendeve të reja të punës. Përfaqësuesit e kompanisë shprehen krenari për kontributin në projekte ndërkombëtare që nxisin zhvillimin e qëndrueshëm dhe forcojnë partneritetet mes Shteteve të Bashkuara dhe Irakut.