KRU “Hidromorava” në Gjilan ka paralajmëruar se do të ndërmarrë masa ndaj konsumatorëve që kanë dy ose më shumë fatura të papaguara, duke përfshirë shkyçjen nga rrjeti i ujësjellësit dhe procedurat përmbarimore. Konsumatorët janë ftuar të kryejnë pagesat sa më parë, ndërsa për ata që nuk mund të shlyejnë borxhin në tërësi, kompania ofron mundësinë e riprogramimit të pagesave me këste mujore. Ata që paguajnë plotësisht ose nënshkruajnë marrëveshje për riprogramim do të largohen nga lista e masave ndëshkuese. KRU “Hidromorava” gjithashtu ka bërë thirrje që pagesat të kryhen vetëm në pikat zyrtare dhe ka theksuar se pagesa e rregullt ndihmon në përmirësimin e shërbimeve të ofruara.