Ministria e Arsimit dhe Shkencës ka njoftuar ndarjen e 100 bursave për nxënësit e klasës së dhjetë në Institucionet e Arsimit dhe Aftësimit Profesional për vitin shkollor 2026/2027. Secila bursë ka vlerën 50 euro në muaj, përkatësisht 500 euro në vit, dhe mbështetja do të zgjasë për tri vite shkollimi sipas kritereve të përcaktuara. Nga këto bursa, 70 janë dedikuar për nxënësit që regjistrohen në drejtimet deficitare, ndërsa 30 janë për vajzat që zgjedhin drejtimet teknike, me qëllim rritjen e pjesëmarrjes dhe zhvillimin e aftësive në fushat ku ka nevojë tregu i punës. Aplikimi hapet më 9 korrik dhe mbyllet më 1 tetor 2026, ndërsa dokumentacioni dorëzohet në institucionet përkatëse, të cilat më pas e përcjellin atë në MASh deri më 5 tetor.