Ministria e Ekonomisë dhe Punës ka hapur thirrje të reja publike për mbështetjen e industrisë përpunuese, duke siguruar një fond prej 7 milionë denarësh për projekte të ndryshme. Nga kjo shumë, 5 milionë denarë janë dedikuar për forcimin e bashkëpunimit ndërmjet kompanive dhe universiteteve, duke përfshirë kërkimin, zhvillimin, inovacionin, transformimin e gjelbër dhe digjital, si dhe ekonominë qarkulluese. Ndërsa 2 milionë denarë janë paraparë për mbështetjen e kompanive në certifikimin e standardeve dhe dokumenteve të standardizimit, përfshirë praktikat ESG dhe ESRS. Ministria ofron mbështetje deri në 70% të shpenzimeve të dëshmuara, me afatin e fundit për aplikim më 15 shtator 2026. Ministri Besar Durmishi njoftoi gjithashtu se dialogu me publikun do të vazhdojë për të informuar qytetarët dhe bizneset mbi masat dhe mundësitë konkrete të mbështetjes ekonomike.