Qeveria e Maqedonisë së Veriut miratoi Planin operativ për vitin 2026, duke siguruar mbi 40 milionë euro për mbështetjen e punësimit, sipërmarrjes dhe zhvillimin e kapitalit njerëzor. Ky plan do të përfshijë më shumë se 10,000 qytetarë dhe synon krijimin e vendeve të reja të punës, mbështetjen e të rinjve dhe përfshirjen e kategorive të rrezikuara në tregun e punës. Një theks i veçantë është vënë në zhvillimin e sipërmarrjes dhe vetëpunësimit, me mbështetje financiare për mbi 2,000 persona për themelimin e bizneseve të reja dhe bashkimin në shoqëri tregtare. Ministri Besar Durmishi theksoi se investimi në njerëzit dhe trajnimet për profesione deficitare do të përkthehet në rritje ekonomike dhe standard më të mirë jetese për qytetarët.