Agjencia e Statistikave të Kosovës ka publikuar të dhënat për mirëqenien sociale në prill 2026, ku skema e shtesave për fëmijë ka pasur më shumë se 405 mijë përfitues, me pagesa që arrijnë mbi 14.7 milionë euro. Në total, shpenzimet për skemat sociale kanë kapur mbi 77 milionë euro, me pensionet e moshës që mbeten skema me pagesat më të larta, duke përfshirë mbi 164 mijë përfitues dhe rreth 26 milionë euro të shpërndara. Përveç fëmijëve dhe pensionistëve, mbështetja sociale përfshin edhe kategori të tjera si veteranët, personat me aftësi të kufizuara dhe familjet në nevojë. ASK thekson se këto skema janë të fokusuar kryesisht në mbrojtjen e të moshuarve, kategorive të dala nga lufta dhe familjeve në nevojë, duke përfshirë edhe programe specifike për pensionet familjare dhe përkrahjen e fëmijëve me aftësi të kufizuara.