Gjatë periudhës 2015-2025, qytetarët e Kosovës kanë tërhequr rreth 744 milionë euro nga Fondi i Kursimeve Pensionale të Kosovës (Trusti), përmes pensionimit dhe skemës së tërheqjes së parakohshme të 10 për qindëshit të kursimeve gjatë pandemisë COVID-19. Nga 72,745 përfitues që kanë dalë në pension, janë tërhequr rreth 546 milionë euro, ndërsa vlera më e lartë e tërheqjeve u regjistrua në vitin 2020, me 235 milionë euro, për shkak të masës së tërheqjes së 10 për qindëshit të kursimeve pensionale. Gjatë periudhës nga dhjetori 2020 deri në prill 2021, 427,363 persona përfituan nga kjo masë, duke tërhequr 198.1 milionë euro. Numri i përfituesve të pensionit është rritur vazhdimisht, duke arritur në 8,633 persona në vitin 2025, ndërsa tërheqjet vjetore kanë mbetur në nivele të larta edhe pas vitit 2020.