Sot do të ndërpritet furnizimi me energji elektrike në disa zona të Prishtinës, Podujevës dhe Prizrenit për shkak të punimeve të domosdoshme në rrjetin elektrik. Në Prishtinë, ndërprerja do të ndodhë në Rimanishtë nga ora 10:00 deri në 14:00, për shkak të punimeve në TS 35/10 kV Besia. Në Podujevë, një pjesë e qytetit në rrugën 28 Nëntori do të mbetet pa rrymë nga ora 10:00 deri në 15:30, për shkak të dislokimit të shtyllave në projektin “Rr. 28 Nëntori - Podujevë”. Në Prizren, zona e Bllacës pranë shkollës do të ketë ndërprerje nga ora 11:00 deri në 15:15 për vendosjen e kabllos ABC në projektin “TS Bllaca I shkolla”. Këto ndërprerje janë pjesë e punimeve për sigurimin dhe përmirësimin e sistemit elektrik në këto rajone.