Aleanca Kosovare e Bizneseve (AKB), përfaqësuar nga kryetari Agim Shahini, mori pjesë në aktivitetin kombëtar “Bukë, Kripë e Zemër, Ujë, Vaj Ulliri dhe Buzëqeshje” në Pogradec, ku u promovua mikpritja tradicionale shqiptare si një vlerë e përbashkët kombëtare. Ngjarja u organizua nga Shoqata e Restoranteve dhe Bujtinave Shqiptare në bashkëpunim me Bashkinë e Pogradecit dhe u mbështet nga autoritetet lokale dhe rajonale, duke përfshirë Prefektet e Qarkut Korçë dhe Tiranës. Kryetari Shahini theksoi rëndësinë e kësaj nisme për zhvillimin ekonomik dhe turistik, duke e konsideruar mikpritjen shqiptare një aset të çmuar që duhet të përhapet në të gjitha trojet shqiptare. AKB vlerësoi gjithashtu angazhimin e organizatorëve dhe nënvizoi rolin e kësaj iniciative në forcimin e bashkëpunimit ndërmjet institucioneve dhe komunitetit të biznesit në hapësirën shqiptare.