Ministrja në detyrë e Tregtisë, Mimoza Kusari-Lila, vizitoi panairin EXPO DIASPORA 2026, i cili po mbahet në ambientet e Prishtina Mall, duke u njohur nga afër me 25 kompanitë pjesëmarrëse dhe produktet e tyre. Gjatë vizitës, ajo bisedoi me përfaqësues të bizneseve dhe të diasporës për mundësitë e bashkëpunimit, investimeve dhe krijimin e lidhjeve të reja ekonomike ndërmjet Kosovës dhe bashkatdhetarëve. Panairi, i organizuar nga Televizioni Kanal10, synon të promovojë produktet dhe shërbimet vendore, si dhe të forcojë urat e bashkëpunimit ekonomik me diasporën shqiptare. Ngjarja po zhvillohet nga 3 deri më 5 gusht dhe përbën një platformë të rëndësishme për zhvillimin e partneriteteve dhe nxitjen e investimeve në vend.